Mamit District Hospital sak thar inhlân

Mamit District Hospital sak thar chu nimin khan a satu contractor Zamzo Engineering Construction & Consultancy chuan Mizoram sorkar hnenah an hlan. In hlanna inkhawm hi Health minister Lalrinpuii pisaah neih a ni.

Mamit District Hospital sakna atan hian cheng vbc 17.934 sen a ni a, sum sen zinga 70% chu Power Finance Corporation Ltd. (PFC), New Delhi CSR fund aṭanga hmuh niin, Mizoram sorkarin 30% a tum. Chhawng ngaa sak niin, a zau zawng square metre 4,240.78 a ni a; in sa turin March 6, 2020-ah inremna ziah ni mah se, COVID-19 avangin a khawtlai a, May 2, 2025-ah sak zawh a ni.

Damdawi-inah hian a hma chuan khum 30 a awm ṭhin a, in thar sak aṭangin khum 100 a awm tawh tawh a, IPD Block thar siam a ni.

Health Minister chuan, damdawi-in tur chu kum hmasa lamah sum an dawn kim loh avangin sak zawh theih a nih loh thu leh inhlan a la rem loh thu a sawi a; sak zawh a nih hnuah inhlan chhawn theih a ni ta chu lawmawm a tih thu a sawi bawk.

Zamzo Engineering Construction & Consul-tancy hotu Ronnie Zolianngura chuan damdawi-in tur an sak dan chanchin a sawi a, chumi hnuah Mizoram sorkar hnenah a hlan a ni.