Mizoram Police-te'n ruihhlo an man

Mizoram Police leh an thawhpuite chuan tun hnai khan Mizoram hmun hrang hrangah ruihhlo eng emaw zat an man a, thubuai ziah luh a ni.

CID (Special Branch) leh Kolasib police ṭangho chuan July 21, Thawhlehni khan Khamrang daia NH-ah ruihhlo vai beihpui an thlâk a, metham-phetamine mûm 15,00,000 vel (kg 15) an man. Meth neitua puh mi pali - Sailothanga Sailo (42), Kolasib Venglai, Lalchhuanmawia (23), Kolasib Gosen Veng, Vanlalthlana (32), Kolasib Diakkawn leh Laldinpuii (43), Kolasib Vengthar te an man nghal.

July 21 vek khan zan dar 7 velah Lunglei Sethlunah Lunglei police-te leh BSF-te chuan Malsawmdawnga (33), Champhai Vengthlang leh Lalzarmawii (34) Lunglei Bazar Veng te hnen aṭangin heroin gram 71.59 an man a, Lunglei Police Station-ah thubuai an ziah luh a ni.

CID (SB) team chuan July 17, 2026 zan dar 6 vel khan New Look Restaurant, Chanmari, Aizawl an dapnaah methamphetamine kg 4.770 an man a; a neitua puh Karimganj district, Assam lam mi pathum - Juber Ahmed (24), Md Sirajul Hoque (24) leh Sakir Hussain (21) te an man nghal.

July 17, 2026 vêk zan dar 9:40 khan CID (SB) team-te'n Ṭhuampui, Aizawla lirthei pakhat, Malsawmtluanga (29), Zokhawthar nia inchhál khalh aṭangin methamphetamine kg 9.016 an man a; NDPS Section 22(c) leh 25 hnuaiah thubuai an ziak lut a ni.