Minister-in MCAB branch thar a hawng

Cooperation minister C Lalrinsanga chuan nimin khan Mizoram Cooperative Apex Bank (MCAB) branch 20-na, Ṭhuampui Branch chu AMC building chhuat zawl (ground floor)-a din thar leh ATM booth dah thar a hawng.

C Lalrinsanga chuan, kum 15 kal taa MCAB dinhmun ngaituahin, tuna an dinhmun chu a ṭha tawh hle tih sawiin, "An ṭhan dan a lungawithlak a,  tun hnaia district thar khawpui Khawzawl leh Hnahthialahte branch an hawng leh Saitual bul Keifangah pawh branch hawn an tum leh hi lawm­awm hle a ni," a ti.

Minister chuan, cooperative movement hmangin ram leh hnam chawikan a, dinhmun siamṭhat theih a nih thu te, cooperative socie­ty kal dan erawh en chian a ṭul thu te, state level society-te enpui leh kai­hruai a ṭul thute a sawi bawk.

MCAB branch thar hawnna hi MCAB chairman T Lalmuanpuii'n a kaihruai a, Aizawl Munical Corporation mayor PC Lalhmingthanga pawhin thu a sawi.

MCAB hi kum 1982-ah cheng nuai 82-in bul ṭan a ni a, tuna an sum che vel (transaction) chu cheng vbc. 1,151 vel a tling tawh. Bank branch 20 leh thawktu mi 200 vel an nei mek a ni.