Adhoc aided high school-te'n No Teaching Day an chhunzawm

Mizoram Govt. Adhoc-Aided High School Teacher’s Association (MIGAHTA) chuan sorkar laka an thil phût lantir nan nimin khan sikula zirtir hna thawh loh ni, No Teaching Day (Pen Down Strike) an chhunzawm a; Mizorama adhoc school 80 chuangah sikul hawn ni mah se, zirtirtute'n zirlaite lehkha an zirtir lo.

MIGAHTA ruahman dan chuan, No Teaching Day an kalpui hnu pawha sorkar aṭanga an thil phûtte tihhlawhtlin a nih loh chuan July 27-28, 2026 chhungin a huhoa chawlh (mass casual leave) lak an tum a; July 29-30, 2026 chhungin Aizawlah sit-in demonstration huaihawt an tum bawk.

Sorkar nawra hma an lakte hian sorkar a ko eih zo lo a nih chuan na zawka sorkar nawr dan tur an ruahman vek tawh tih MIGAHTA chuan an tarlang.

MIGAHTA hian Mizoram sorkarin July 22, 2026-a 'The Mizoram Education (Lumpsum Grants-in-Aid for General Maintenance of Private School) Rules, 2026' a tihchhuah copy chu July 23, Nilaini khan adhoc aided sikul hrang hrangah an lo hál tawh bawk.