Mizoram Police-te'n ruihhlo an man

Champhai, Saitual leh Zokhawthar police-te chuan tun hnai khan ruihhlo tam tham tak an man a, a vaiin Rs 6,89,44,000 hû a ni.

July 23, Ninagni khan Saitual police-te chuan truck AS 24 AC-3568 an enfiahnaah morphine kg 2.096 an man a, black market-ah Rs 2,09,60,000 vel hûa ngaih a ni. Lirthei leh a khalhtu Kabir Hussain (30) Tarapur, Katigora district, Assam an man nghal.

Zokhawthar police-te chuan July 21, 2026 zan dar 12:20 vel khan Zokhawthar-Melbuk inkar kawngah patrolling an nei a; Zokhawthar Mualrawtah scooter MZ-01 AA-4250-a chuang mi pahnihte'n police an hmuh veleha lirthei kalsana an tlanchhiat avangin scooter an dap a, methamphetamine kg 7.338 an hmu chhuak.

Champhai police-te pawhin July 15, 2026 khan Khankawn check gate-ah Lalrinnunga (31), Hmuncheng, Khawzawl khalh Maruti 800 MZ-02 6128 aṭangin heroin hawng gram 24 an man a, Champhai Police Station-ah thubuai ziah luh a ni.