11KV GIS siamna tur enfiah

July 24, 2026 zing khan Power & Electricity minister F Rodingliana hoin department hotute'n Aizawla Assam Rifles chhuahsan hmuna 11KV Gas Insulated Sub-Station (GIS) siamna tur chu an enfiah.

11KV GIS hi Power & Electricity kutkawiha din hmasak ber tur a nih avangin state danga an tih dan zir a ni a, ṭangkai thei tur bera hmalak tum a ni. Sub-station hi source pathum aṭanga kawlphetha lak tur a nih avangin Aizawl chhehvela sub-station dangte nasa takin a chhâwk zângkhai thei dawn a, tunlaia kawlphetha khaihlak tam tak a tiziaawm thei dawn niin an sawi.

Minister hoa enfiahnaah hian, drawing-te a hmunah en a ni a, electric hrui (line) kal dan tur ruahmanna siam a ni. Aizawl khawpui lailia awm tur a nih avangin beautification lam ngaih pawimawh a ni dawn. 11KV GIS hian sub-station dangte aiin hmun a mamawh tlem dawn a, hman ṭangkai a nih thuai theih nan chak taka hmalak mek a ni.