Synod Hospital leh ECHS ten inremna thuthlung an ziak

Sipai bangte leh an chhungte tana healthcare scheme duan, Ex-Servicemen Contributory Health Scheme (ECHS) leh Synod Hospital chuan nimin khan inremna thuthlung, (Memorandum of Agreement) an ziak.

Inremna thuthlung hnuaiah hian ECHS hnuaia awm sipai bángte leh an chhung te, mi 13,000 vel chu Synod Hospital-ah inenkawlna senso pek ngai loin a thlawn (cashless)-in enkawl an ni dawn a; inremna hi a ṭul anga pawhsei theih a ni.

ECHS hian a hmain Zoram Medical College & Hospital leh Mizoram State Cancer Institute te inremna thuthlung an lo ziahpui tawh bawk.