MUHCS-ah thla li chhungin mi 20,244 enkawlna atan cheng nuai 6,078 pe

Mizoram Universal Healthcare Scheme (MUHCS) hmangin sorkar kum kal mekah damlo enkawlna atan April-July 2026, thla li chhungin damlo bill 20,244 atan cheng nuai 6,078 pek chhuah a ni tawh.

Mizoram State Healthcare Society (MSHCS)-in damlo bill pek chhuah tawh dan a tarlan danin, kum kal mek 2026-27 ah April-July 2026 chhungin Mizoram sorkarin MUHCS zawmtu damdawi-inte hnenah damlo enkawlna senso tur ṭum kua a pe chhuak tawh a, pawisa pekte chu damlo 20,244-te enkawlna senso Rs 60,78,98,606 a ni.

Sorkar kum liam ta 2025-26 ah April-July 2025 chhung khan MUHCS zawmtu damdawi-inte hnenah ṭum 20 pawisa pek a ni a, chungte chu damlo 23,560-te enkawlna senso Rs 29,81,85,410 a ni.

Kum April-July chhunga damlote enkawlna atana sorkarin sum a pek chhuahte chu chawhrualin bill pakhat zelah Rs 30,028.58 pek ang a ni a; kum 2025 April - July chhung khan bill pakhat zelah Rs 12,656.4 sêng ang a ni bawk.