MAMB-in sorkarah sum an hlân lêt

Mizoram Agricultural Marketing Board (MAMB) chuan Market Intervention Scheme (MIS) 2024-25 hnuaia sawhthing atana pawisa a dawn cheng vbc 9.48 chu nimin khan Mizoram sorkar hnenah an hlan let.

MAMB chairman PC Vanlalruata, Agriculture minister chuan MAMB aiawhin MIS hnuaia pawisa an dawn cheng vbc 9.48 chu state sorkarah a hlan let a; Mizoram sorkar aiawhin Finance secretary Ramchuana'n a dawng. Finance department chuan state sorkar account-ah an dah lut dawn a ni.

MIS 2024-2025 hnuaiah hian MAMB chuan Ministry of Agriculture & Farmers' Welfare aṭangin sum eng emaw zat an dawng. MIS scheme hnuaiah hian sorkarin kut hnathawktute aṭanga sawhthing a leinaa hloh (net loss) a neih zinga 75% chu sorkar laipuiin a tum tur a ni a, chuta tan chuan sorkar laipuiin cheng vbc 9.48 a rawn tum a ni.

Sum inhlannaah hian MAMB co-chairman leh adviser to CM Dr KC Lalmalsawmzauva, Agriculture secretary Ramdinliani leh Horticulture secretary Maria CT Zuali te pawh an tel.