SASCI hmanga hnathawh thlir let

Nimin khan chief minister Lalduhoma hoin sorkar mi pawimawhte'n CMO conference hall-ah Special Assistance to States for Capital Investment (SASCI) 2025-2026 hmanga hnathawhte an thlir let.

Ṭhutkhawmah hian SASCI 2025-26 hmanga hnathawh te, Cyclone Remal 2024-25 Part-I hnuaia hnathawhte leh SASCI Reformed Base Incentives 2026-27 hnuaia hnathawhte thlir let a ni a; SASCI project thawktu department 10-te chu a indawtin koh an ni a, an hnathawh tawh chin report leh an hmabakte sawipui an ni.

Hun tiam chhunga utilization certi-ficate an thehluh theih dan tur te, expenditure sanction la peih lohte rang zawka bawhzui dan tur te, SASCI fund thar lo kal leh turte a rang lama a lo kal theihna tura inbuatsaihna te sawiho a ni bawk.

Ṭhutkhawmah hian PWD minister Vanlalhlana, adviser to chief minister TBC Lalvenchhunga, MLA, secretary to CM Vanlaldina Fanai leh SASCI khawihtu department hotute an tel.