Mera Resham Mera Abhimaan Aizawl dist-a kalpui dan tur rêl

Sorkar laipuia Central Silk Board (CSB) hnuaia Research Extension Centre, Aizawla scientist-te leh Aizawl district Sericulture Office-a hotute chu nimin khan an ṭhukhawm a; Aizawl district-a Mera Resham Mera Abhimaan (My Silk, My Pride) 2.0 kalpui dan tur an rêl.

Ṭhutkhawmah hian CSB Research Extension Centre scientist te, Sericulture hotute leh Aizawl district-a Sericulture farmer aiawhte an tel. MRMA 2.0 hnuaia hmalak dan tur sawihoin, 100 Days Campaign atan action plan an siam a, Aizawl district-a khaw pariatah campaign neih an rêl a ni.

Mera Resham Mera Abhimaan hi India-in zalenna a neih kum 100-na, kum 2047-a khawvela silk thar tam ber ram nih a tumnaa hmalakna a ni a; My Silk, My Pride hnuaiah hian Aizawl district-a Sericulture farmer-te'n hlâwk zawka cocoon an thar theih nan campaign an nei dawn a ni.