Bolt Award 2004 dawngtu JH Biakmawia thlah liam a ni

Vanglaini leh Air India buatsaih Broad Outlook Learner Teacher (BOLT) Award dawng hmasa ber JH Biakmawia (78) h/o Zosangpuii, Electric Veng, Aizawl chu July 28, Thawhlehni zan dar 7:10 khan a thi a, nimin khan vui a ni.

JH Biakmawia hi zirtirtu niin, hmun hrang hrangah a thawk a, kum 2012 khan School Education joint director-ah a kai a, September 30, 2014 khan pension-in a chhuak. Air India leh Vanglaini chanchinbu-in Rank & Bolt Award an buatsaih ṭhin a, Bolt Award dawng hmasa ber niin, kum 2004 khan a dawng a; kum 1992-ah National Award for Teachers (Outstanding Merit in Service of Community) a dawn bakah, chawimawina dang eng emaw zat a dawng bawk.