DMR Minister-in chhiatna laka invenna atana hmalak dan MHA hotute a sawipui

Disaster Management & Rehabilitation (DMR) minister Prof. Lalni-lawma chuan July 28, Thawhlehni khan New Delhi-ah Ministry of Home Affairs hotute a kâwm a; Mizorama chhiatna hrang hrang thleng thei laka inven dan tur leh a kaihhnawih hmalaknate a sawipui.

Inkawmnaah hian Mizoram tana chhiatna hrang hrang thleng thei laka inven dan tur ruahmanna (Disaster Mitigation Project) sorkar laipuiin a pawm tawhahte a rang thei ang bera hmalak dan tur te, project kalpuitu institution-te thuam chak dan tur te, project kalpui mekte chak zawka kalpui dan turte sawiho a ni. Mizoram chu chhiatna thleng thei laka inven dan leh chhiatna a thlena hmalaknaah hmarchhaka state dangte tihhmuhtu ni thei tura hmalak dan turte an sawi.

Mizorama National Landslide Risk Mitigation Programme kalpui chungchang thlirho a ni a; Ministry of Home Affairs leh Mizoram sorkarin Mizorama leilung pianhmang mumal zawka thliarna (digital elevation model) te, ram hmelhmang zirchianna (slope investigation) leh technical thil project kalpuina tura ṭul angte tihhlawhtlin kawngah Geological Survey of India leh Mizorama PWD department ten thawhhona ṭha lehzual an neih theih nana hmalakte an rêl bawk.

Prof. Lalnilawma hi DMR secretary Sushil Singh leh New Delhi Mizoram House additional resident com-missioner Alexander V Chongthu ten an ṭawiawm a ni.