‘Catch the Rain’ seminar buatsaih

Mizoram Pollution Control Board (MPCB) hnuaia EIACP Hub leh T Romana College (TRC) Eco Club chuan nimin khan TRC-ah ‘Catch the Rain’ campaign pualin awareness seminar an buatsaih a; official, zirtirtu leh zirlai mi 150 vel an tel.

Zirhona hi TRC vice principal R Lalremliana'n a kaihruai a; EIACP Hub programme officer Benjamin Lalnunsanga Colney-in thu sawiin, ruahtui khawl leh tui renchem pawimawhzia a sawi. Resource person SIRD core faculty Dr C Lalthlansanga'n 'Save water - Catch the rain’ tih thupui a sawiin, tui humhalh dan leh a pawimawhna te, ruahtui khawl ṭangkaina leh khawl dan te a sawifiah.

Catch the Rain campaign-ah hian sawihona hun hman a ni a; environment humhalh leh humhim tura thutiam an sawi rual bawk.