CM leh CADC CEM an inkâwm

Chief minister Lalduhoma leh Chakma Autonomous District Council (CADC) chief executive member thar Nirupam Chakma chu July 28, Thawhlehni khan CMO-ah an inkâwm a; CADC CEM chuan, kum 2025-26 khan CADC chuan cheng vbc 63 an hmuh kim loh avangin thla li leh a chanve vel CADC hnuaia thawkte leh pensioner-te hlawh pek an nih tawh loh thu a thlen.

Nirupam Chakma hian Chief Minister hnenah hian CADC hmasawnna tura hmachhawpte leh harsatna an tawh hrang hrangte a thlen a ni. CM Lalduhoma chuan, CEM thar chu lawmpuina hlanin, CADC hmasawnna turin kawng tinrengah state sorkarin a thawhpui zel tur thu a lo hrilh.

CADC CEM thar hian CM hnena harsatna a thlen zingah, kum 2025-26 chhunga CADC-in cheng vbc 63 an hmuh kim loh thu a tel a; pawisa an hmuh kim loh avangin thla li leh a chanve vel CADC hnuaia thawkte leh pensioner-te'n hlawh an lak tawh loh thu sawiin, hlawh pek lohte pek a nih theih nan additional fund pe turin CM a ngen a ni.