District-ah Red Ribbon Quiz buatsaih

Mizoram State AIDS Control Society (MSACS) leh District AIDS Prevention & Control Committee (DAPCC)-te chuan nimin khan district hrang hrangah zirlaite pualin Red Ribbon Quiz Competition an buatsaih.

Hriat theih chinah Red Ribbon Quiz hi Champhai, Lawngtlai, Mamit, Saitual, Khawzawl leh Hnahthialah te buatsaih a ni a; district tina pakhatna ṭheuhte chu kumin August thlaa state level Red Ribbon Quiz Competition-ah an intihsiak leh dawn a ni.

Red Ribbon Quiz Competition-a pakhatnate chu - Champhai district-ah BC Englsih Academy, Lawngtlai district-ah Lairam Higher Academy of Science, Mamit district-ah Mamit High School-II, Saitual district-ah Saitual Presbyterian English School, Khawzawl district-ah Khawzawl Senior Secondary School (Samagra Shiksha) leh Hnahthial district-ah Presbyterian English School, Hnahthial te an ni.