Police leh Assam Rifles-in Methamphetamine an man

Mizoram Police leh Assam Rifles te chuan Nilaini zan zanlai pelh dar 12:10 (July 30) khan Muallungthu leh Khumtung inkar kawngah TATA Sumo MZ-03 6819-ah Chhancheuliana (46), Noaotlah, Siaha district hnen aṭangin methamphetamine kg. 3.615 an man a; Kulikawn Police Station-ah NDPS Act tlawhchhanin thubuai an ziak lut.

Zokhawthar police-te pawhin July 27, 2026 zan khan Melbûk leh Mualkawi inkarah Mahindra Bolero Pickup MZ-01 AF-7043-ah Lalthanga (42) leh Laldinfela (40), Saitual Venglai ve ve nia inchhalte hnen aṭangin methamphetamine kg. 5.532 an man.

Zokhawthar police-te'n meth an man an chhui zuinaah, inhnamhnawih dang Lalchungnunga (37), Zokhawthar an man leh a; meth lo dawngtu tur Rafique Ali (34), Guwahati pawh Kolasib-ah Kolsib police-te'n an lo man ve leh bawk. Zokhawthar PS-ah NDPS Act tlawhchhanin thubuai ziah luh a ni.