MP Richard-a'n Mizoram mamawh a thlen

Lok Sabha MP Richard Vanlalhmangaiha chuan nimin khan New Delhi-ah Union Culture minister Gajendra Singh Shekhawat leh Environment, Forest and Climate Change minister of state Kirti Vardhan Singh te a kâwm a; Mizoram mamawhte a thlen.

Richard Vanlalhma-ngaiha hian Union Culture Minister hnenah, Mizoramin Tagore Cultural Complex a neih theih nan hma laksak turin a ngen. Union Minister hian inkaihhruaina (guidelines) ennawn mek a nih thu sawiin, guidelines thar chu Union Cabinet-in a pawm hunah Tagore Cultural Complex chu Mizoramin a neih ve ngei theih nan hma a lak tur thu a lo hrilh.

Kirti Vardhan Singh nen an inkawmnaah Richard Vanlalhmangaiha chuan, Mizoram tribal area, Dampa Tiger Reserve leh hmun dang danga zangnadawmna lak tur la tangkhang mekte chu a nih dan tur ang taka lak a nih vat theih nan hma la turin a ngen. Right to Fair Compensation and Transparency in Land Acquisition, Rehabilitation and Resettlement Act, 2013 (RFCTLARR Act) innghah nana hmanga compensation-te chu pek a nih ngei thei nan hma la turin a ngen bawk.

Environment, Forest and Climate Change MoS Kirti Vardhan Singh chuan theihtawp a chhuah tur thu Mizoram Lok Sabha MP a lo hrilh a ni.