Tiger Day hman a ni

July 29, Nilaini kha khawvel puma sakei (tiger) puala ní bik, Global Tiger Day a ni a; Mizoramah pawh Dampa Tiger Reserve, Teirei Interpretation Hall-ah hman a ni.

Global tiger Day hmannaah hian Dampa Tiger Reserve field direc-tor PC Lalchhandama chuan, ramngaw leh nungchate chu mihring tan an ṭangkai thu a sawi a, "An ṭangkaina kan hriat lohte pawh hi Pathianin duh taka a siam an ni tih pawmin, kan dimdawi a ngai," a ti. Field Director hian Dampa documentary film bakah, West Phaileng Branch YMA zaipawlin Dampa hla music video an siam leh Dampa chanchin ziahna pamphlet a tlangzarh a ni.