VB-GRAMG zirhona buatsaih

Rural Development & Administration (RDA) minister Prof. Lalnilawma chuan nimin khan State Institute for Rural Development and Panchayati Raj (SIRDPR) conference hall-ah sorkar hotute pualin ni 125 inhlawhna, VB-GRAMG chungchang inzirtirna a hmanpui a; village council-te tel loin India ram leh Mizoramin hma a sawn theih loh thu a sawi.

Prof. Lalnilawma chuan, VB-GRAMG chu MGNREGA hming thlakna ang leka ngai lo turin kal khawmte a chah a, "Mizoram hmun kilkhawr berte hmasawnna hmanrua anga ngaih tur a ni a, VB-GRAMG-ah hian Viksit Bharat (VB) lai hi a pawimawh. VC (gram panchayat)-te tel loin Mizoram leh India hian hma a sawn thei lo," a ti.

VB-GRAMG hnuaia ngaih pawimawh zual hrang hrang - water security, core rural infrastructure leh livelihood related infrastructure-te chu an nihna tak phawk chhuak zo tura hna thawh a nih theih nan training-a telte chu theihtawp chhuah turin RDA Minister chuan a chah.

Training hi Mizoram sorkara RDA department leh NIRDPR, Hyderabad buatsaih a ni a; SIRDPR director R Lalremsanga’n kaihruaiin, NIRDPR head Dr B Suresh Babu leh assistant professor Dr GVK Lohidas ten an telpui a ni.