Science festival-ah MISTIC tel

Nimin aṭang khan Kol­kata-ah India International Science Festival vawi ngana ṭan a ni a, Prime minister Narendra Modi-an video conferencing kaltlangin a hawng. Festival-ah hian Mizoram Science, Technology & Innovation Council (MISTIC) pawhin stall an hawng.

MISTIC hian tun hnaia Mizoramin science lama hma­sawnna a neih hrang hrang - ramsa chi (species) hmuh chhuah thar te, geographical indication hnuaia tun hnaia Mizo puan register tharte leh an hmalakna hrang hrangte an pholang a ni. Festival-ah hian an sâwm angin Vanglaini news reporter JV Lalnunpuia pawh a tel a ni.