MP-in Union Minister a kawm

Lok Sabha MP Richard Vanlalhmangaiha chuan nimin khan New Delhi-ah Union Road Transport & Highway minister of state Ajay Tamta chu a pisaah a kawm a; Mizorama National highway (NH) kawngpuite thawmṭhatna tura mamawhte a thlen.

Richard Vanlalhma-ngaiha hian Union Minister hnenah hian NH 306A, Vairengte - New Vervek, cheng vbc 99.78 senga thawmṭhatna (rehabi-litation/strengthening work) tur leh NH 108-a Langkaih lei (bridge) chungchangte a thlen a ni.

Ajay Tamta chuan NH 306A chu sanction a nih nghal tur thu leh, saction order chu karleh lamah tihchhuah a nih dawn thu a sawi a; NH 108-a Langkaih lei (permanent bridge) chungchangah erawh integrated finance division (IFD)-ah a la awm avangin thla khat vel tal a la awh tur thu Lok Sabha MP hi a lo hrilh.