SHC inthlan zawh fel a ni

Sinlung Hill Council (SHC) inthlanpui hmasa ber chu nimin khan tluang taka neih a ni a; zing dar 7 aṭanga tlai dar 4 thleng vote thlak a ni. Nizan khan vote hi chhiar nghal a ni a, result hriat hman a ni lo.

SHC-ah hian bial 12 awmin, polling station 38 a awm a, inthlanpui hmasa berah hian candidate 42 an awm. Polling station 38 zinga 31 chu Aizawl district-a mi a ni a, polling station pasarih chu Kolasib district-a mi a ni thung. Bial 12 aṭanga thlan tlin mi 12-te bakah, sorkar aiawh member pahnih ruat leh tur a ni a, an vaiin member 14 an ni ang.