Dy. CM-in UDPA pisa thar hawng
Deputy chief minister Tawnluia chuan nimin khan a bial chhunga Khawzawlah UDPA department (district urban development office) a hawng. Hawnna inkhawm hi UDPA director Joseph H Lalramsanga'n a kaihruai a, Veterinary & Fishery Board vice chairman C Lalmuanpuia, MLA leh UDPA-a thawk te, Khawzawl mipuite an tel.
Tawnluia chuan, mipui duhsakna dawnga sorkarna an chang chu lawmawm a tih thu sawiin, "Ram leh hnam hmasawnna tura hna thawhna tipuitling turin kawng tinréngah mipui nena thawhho a ngai," a ti a; mipuiin an aiawha rorel tura an thlan chhuah a nihna chu a ngaih pawimawh thu a sawi.
Deputy Chief Minister hian Khawzawl Police Station-ah Children's Corner pawh a hawng bawk. UDPA department hian district panga - Lunglei, Champhai, Mamit, Serchhip leh Kolasib-ahte office an nei tawh.