Sorkar leh kohhran thawhhona aṭanga sikul enkawl dan tur MERC-in a pawm

Mizoram Education Reforms Committee (MERC) chuan sorkar leh kohhran thawhhona aṭanga sikul enkawl dan tur a pawm.

MERC hi July 31, 2026 khan an chairman Dr Vanlalthlana, Education minister hoin SCERT Seminar Room-ah an ṭhukhawm a; sorkar leh kohhran thawhhona aṭanga sikul enkawl dan tur public private partnership (PPP) rawtna an pawm. Hemi tihhlawhtlin nan hian pilot project-in sikul thlan tur zat leh a hmun turte ruahman thuai a ni ang.

Draft Mizoram Education Service (MEdS) Rules, 2026 (Common Service) chungchang pawh sawiho a ni a, siamṭhat ngaite siam ṭhain an pawm a, ṭhutkhawm leh hmasa berah peih an tum. Transfer and Posting of School Teachers Rules, 2026 pawh hman theih tura ruahmanna kalpui mek a nih thu leh, hun rei lo têah peih tum a nih thu tarlan a ni.

Ṭhutkhawmah hian tunlaia Mizoram zirna atana thil pawimawh leh hmasawnna hna thawh tur hrang hrang sawiho a ni bawk.