Kohhran ṭhalaite'n thisen an pe

August 1, Inrinni khan kohhran ṭhalai pawl hrang hrangin thisen an pe. KṬP, ITI Veng Bial chuan ZMCH tan thisen unit 85 pein, petute mipa 61 leh hmeichhia 24 an ni a; KṬP, Tuikual North Branch-in Synod Hospital tan unit 26 pein, petute mipa 22 leh hmeichhia pali an ni.

ṬKP, Luangmual Bialin Civil Hospital, Aizawl tan unit 75 a pe a, petute mipa 71 leh hmeichhia pali an ni a; Aizawl Civil Hospital tan vêk PYD (Mizoram) Bethlehem Bialte'n unit 51 an pe. PYD (NEI) Lunglei Rahsi Veng Bial pawhin Lunglei Civil Hospital tan thisen unit 38 an pe a, petute mipa 29 leh hmeichhia pakua an ni.

Republic Higher Secondary School NSS pawhin July 31, 2026 khan Civil Hospital, Aizawl tan thisen unit 32 an pe a, petute mipa 29 leh hmeichhia pathum an ni.