Serchhip Kawlri Tlanga Cultural Heritage Centre sak mek enfiah a ni

Serchhip district bawrhsap Paul L Khuma hoin July 31, 2026 khan Serchhip Kawlri Tlanga Cultural Heritage Centre sak mek chungchang sawiho a ni a; Serchhip District MJA hruaitu te, YMA leh Heritage Society aiawhte bakah, department miten a hmunah an enfiah nghal.

Heritage Centre project hi Public Works Department (PWD) hnuaiah Excell Consultancy Services-in September 2024 khan thawk ṭanin, February 2026-a zawh tura ruahman a ni a; an siam zawh hman loh avangin December 2026 thleng hun pawh sei a ni. Tun dinhmunah hna thawh tur zinga 82% vel zawh a ni tawh.

Tui litre 1,44,000 khawlna tur tuizem lian leh leh overhead water tank (litre 10,000 dawng) te siam zawh a ni tawh a; cottage paruk - lal in, quarters leh zawlbuk te 98% zawh a ni tawh. Capacity building hna 95% zawh a ni tawh a, site development hna 60%, Cultural Heritage building leh Ethno-Medicinal Garden siam hnate 50% thawh zawh tawh a ni. A panna kawng siam hna 30% leh Children Park and Mini Sport Complex siam hna 20% thawh a ni tawh bawk.

Serchhip District MJA hruaitute chuan, contractor chu hna thawh hun tura a thawh zawh hman loh chhante zawtin, hun pawhsei chhunga zo hman ngei tura an beisei thu leh, 'ber' thla chhoah an thawh chin ena tlawh leh an tum thu an hrilh. March 2027-ah Serchhipin MJA General Conference a thleng dawn a, chumi hmaa peih hman ni se an duh thu an hrilh bawk a ni.

Sorkar thuchhuah tarlan danin, Kawlri Tlanga Cultural Heritage Centre sak mek hi Serchhip bialtu MLA Lalduhoma, chief minister hmalaknaa sak a ni a, hna thawhna atan North Eastern Council aṭangin cheng nuai 431 hmuh a ni.