MLA-in zirlai ti ṭhate a lawmpui

Lunglei West bialtu MLA T Lalhlimpuia chuan August 1, Inrinni khan Lunglei Cultural Heritage Centre-ah a bial chhung mi, tun hnaia post graduate exam-a ti ṭha (rank holder)-te hnenah chawimawina leh lawmpuina thilpek a hlan a; Tlanglian Academy nen ṭang duna Lunglei West bial chhung mi, hna zawngte tana online coaching sponsorship kalpui tur a hawng bawk.

T Lalhlimpuia chuan, technology leh thiamnaah khawvel a sang tawh a, zirlaite ban phakah eng kim a awm tawh tih sawiin, "Zir tur mahnia inhai kuak theih a tam tawh a, tuna zirlaite mamawh chu kaihhruaina ṭha a ni. Mizoram sorkarin hna thar tam tak a la chho mek a, a thiam thiam lak ṭhin an nih avangin a thiam leh thawk rim apiang an nihlawh zel dawn," a ti.

Tlanglian Academy nen ṭang duna Lunglei West bial mi, hna zawng laite tana online coaching sponsorship kalpui turah mi 20 tan dilna hawn a ni a; dilna 31 lutin, hnâwl nei loin mi 31 chu lak vek an nih thu MLA chuan a sawi bawk.