DC tharin sorkar hotute a kâwm

Champhai DC thar SL Naveen chuan nimin khan Champhai district-a sorkar department hrang hrang hotute DC Confe­rence Hall-ah a kâwm a; sorkar department hrang hrang hotute'n an hmalakna leh harsatnate an hrilh.

SL Naveen chuan, Champhai khua leh a mi chengte chu ngainatawm a tih thu sawiin, "Champhai district hmasawnna leh kal zelna turah department hrang hrangte inlungrual taka theihtawp chhuaha ṭanho a ngai," a ti a, mipui rawngbawlsak tura awm an nih thu a sawi.

Bawrhsap chuan, sorkar department hotute chu an hna ṭheuha rinawm taka thawk a, department dangte hnathawh leh hmalaknate hriatpui ve ṭhin turin a chah bawk.