Thutiam bawhchhiaah ZPM puh

MPC party ṭhalaite chuan ZPM party chu an president hoa mipuia an thutiam bawhchhiaah an puh.

MPCY chuan, September 23, 2019-a ZPM president Lalliansawta’n an party pisaa thu a sawiah, kumina MP in­thlanah Congress an thawhpui avangin ZPM beiseitute lung an tihawi lohnaah thuphá a chawi tih an sawi a, "Tun hmaa MNF ni lo, Congress ni lo, tia au ṭhin khan ní leh thla tam a ral hmain Sinlung Hills Council inthlanah ZPM hruaitu ṭhenkhatte chu Congress party thurualpuiin SHC inthlanna turah an phe leh lâwp lâwp a ni," an ti.

ZPM chu kum khat hmél pawh an hmuh hmaa mipui hnena an thutiam bawhchhiaah puhin MPCY chuan, "An thutiam bawhchhiaa hmalakna an kal pui duh hian mipui bum nan maia Pathian hming lam narân an nihzia a tichiang hle," an ti a; ZPM-ah mipui tan beiseina thar a awm bik loa an ngaih thu an tarlang.