Florist Fair buatsaih ṭan

Mizoram Florists' Association chuan nimin khan Chaltlang Multi Utility Centre-ah Florist Fair an buatsaih ṭan.

Mizoram Florists' Association president Lalnuntluangi chuan, Chaltlang Multi Utility Centre-ah MFA-in pangpar zawrhna hmun leh dahṭhatna coldroom an neih tawh thu a sawi a, "Nghalchawma Floriculture Centre aṭanga pangpar kan tharte Chaltlang Multi Utility Centre-ah hian kan zuar thei tawh a, kumtluanin mipui tan dawr theih tur hmun­hma kan nei," a ti.

Florist Fair-ah hian pangpar leh a kaihhnawih hrang hrang zawrhna stall 28 siam a ni a; August 8, 2026 thleng hawn a ni ang. Mizoram Florists' Association hian Chaltlang Multi Utility Centre chhâwng hnuai ber luahin, pangpar leh a kaihhnawih hrang hrang an zuar a ni.