College-ah HIV/AIDS inzirtirna buatsaih

Mizoram State AIDS Control Society (MSACS) leh National Health Mission hnuaia pêng hrang hrangte chuan nimin khan Johnson College-ah HIV/AIDS Awareness cum Comprehensive Health Check-up an buatsaih.

HIV/AIDS Awareness cum Comprehensive Health Check-up hian a tum ber chu, college zirlaite'n mahni hriselna an ngaih pawimawh theih nan leh natna inkai chhâwn theihte laka invên pawimawhzia an hriat chian lehzualna atan a ni a; zirlai 300 chuang leh zirtirtute telin, HIV leh ngawr (TB) enfiah a nih bakah, test hrang hrang tih a ni.

MSACS joint director (BSD) Dr Lalnunhlima'n HIV/AIDS chungchanga hriat tur pawimawhte a sawi a; Doctor Against HIV AIDS hnuaia School Awareness Committee chairman Dr Lalhuthangi'n zirlaite chu an hriselna ngai pawimawh tur leh natna inkai chhâwn theih laka an dinhmun hre chiang tura inenfiah fo turin a chah.

NHM leh MSACS hian Aizawla college leh Red Ribbon Club dinna zirna-in 30-ah HIV/AIDS Awareness cum Comprehensive Health Check-up buatsaih zel an tum a ni.