Tawang-ah naupang dikna sawiho

Hmarchhak state-a naupang dikna leh chanvo humhalhnaa hma latu North East States Commission for Protection of Child Rights chuan July 31 - August 1, 2026 chhung khan Tawang, Arunachal Pradesh-ah intawhkhawm an buatsaih. Mizoram aṭangin Mizoram State Commission for Protection of Child Rights chairman Jimmy Laltlanmawia, member R Lalṭanpuia, secretary Darṭhakunga leh legal officer Priscilla Lallawmsangi te an tel.

Intawhkhawm hi Arunachal Pradesh SCPCR-in an thleng a, Arunachal chief minister Pema Khandu khuallian niin, sorkar hotu hrang hrangte'n an hmanpui. State tina Commission-te'n naupang venhimna lama an hmalaknate an sawi a, sawihona ṭhin a ni.

India hmarchhak biala naupang, a bikin child trafficking leh cyber crime laka hmalakna turte leh India ram pumpuia naupang dikna chanvo humhalhna lama thawktute dinhmun chungchang te, hmarchhak biala naupangte laka hleihlenna leh pawikhawihna laka a theih ang leh ṭul dan a zira thawho dan turte an sawiho bawk.