Bána Kaih loan pung rulhna tur sum sorkarin a pe chhuak

Bana Kaih Scheme hnuaia loan la tura thlan progress partner-te zinga loan rul ṭha thlan chhuahte hnenah nimin khan sorkar chuan a pung a rulh let sakna (interest subvention) atan Rs 96,21,210 leh guarantor-a a ṭanna fee (annual credit gurantee fee) Rs 14,01,762 a pe chhuak.

Sorkar thuchhuah tarlan danin, interest subvention hi October 2025 - March 2026 chhunga Bana Kaih Scheme kaltlanga loan late hnenah pek niin, SBI aṭanga loan late tan Rs 18,71,348, MRB aṭanga loan late tan Rs 66,94,838 leh Apex Bank aṭanga loan late tan Rs 10,55,024 a pe a; Annual Credit Gurantee Fee hi SBI-ah Rs 2,44,421, MRB-ah Rs 6,98,273 leh Apex Bank-ah Rs 4,59,068 a thun bawk.

Heng bank pathumte hian progress partner-te bank account-ah tun thla chhungin an thun fel hman beisei a ni.