Meizial leh kuhva rah man

Assam Rifles chuan tun hnai khan an thawhpuite nen Mizoram hmun hrang hrangah kuhva rah leh ram dang meizial te an man.

August 4, Thawhlehni khan AR sipaite chuan Saitual district-a Kàwlbêm check post-ah ram dang aṭanga dan loa lak luh kuhva rah ip 320 (kg 22,400) leh a neitua puh mi pahnih an man a; Aizawla Customs department hnenah an hlan chhâwng.

AR sipaite chuan August 4 vêk khan Champhai lamah ram dang meizial Esse Light bawmpui (case) 126 leh a neitua puh mi pahnih an man a; meizial hi Rs 3,02,40,000 hùa chhût a ni. August 3, 2026 pawh khan Champhai Bethel Vengah Rs 72,00,000 hû foreign cigarette Mond báwmpui 30 an man a, Champhaia Legal Metrology department hnenah an hlan a ni.