Bangalore Baptist Hospital-in MUHCS zawm

Mizoram State Health Care Society leh Bangalore Baptist Hospital te chuan Mizoram Universal Healthcare Scheme (MUHCS) chungchangah August 4, Thawhlehni khan inremna thuthlung, Memorandum of Agreement (MoA) an ziak.

Thuthlung hi Bangalore Baptist Hospital-ah ziah a ni a, Health & Family Welfare minister Lalrinpuii'n a telpui. Mizoram sorkar (MSHCS) aiawhin Health secretary Lalzarmawii leh Bangalore Baptist Hospital aiawhin director Dr Spurgeon R ten hming an ziak a; Health under secretary H Lalhruaitluanga leh Bangalore Mizo Associa-tion hruaitute'n an ṭawiawm.

Sorkar thuchhuah tarlan danin, Bangalore Baptist Hospital hi kohhran mal ta ni loin, Christian Medical College, Vellore peng pakhat a ni a; Bangalore-a Mizo awmte leh Kristiante'n an pan nasat ber pawl a ni.

Bangalore Baptist Hospital nen hian Mizoram pawna damdawi-in 52-in MUHCS an zawm ta a ni.