Document dik lo hmanga family pension late inpe turin hriattir

Saitual district Treasury officer Joseph Lalzuitluanga chuan hriattirna a tichhuak a, family pension la mek zinga document dik lo hmanga pension late tan September 30, 2026 thleng mahni duh thua tihtawpna hun hawn a nih thu a tarlang.

Treasury Officer chuan, family pension titawp duh tan pension an lakna Treasury Office-ah inhriattir tur leh hun tiam chhunga Pension Payment Order (PPO) pe kir turin a chah a, "Hun tiam a ral hnuah Task Force hmanga endik a ni dawn a, dik lo taka pension la hmuh chhuah an awm chuan thubuai siamsak theih an ni ang a, document dik lo pe chhuaktu pawh dan ang taka an chunga hmalak a ni ang," a ti.