MPSC siamṭhat phûtin pung khawm

MZP General Headquarters chuan nimin khan Mizoram Public Service Commission (MPSC) siamṭhat phûtna hnatlang MPSC pisa bulah an huaihawt a, vawiinah an chhunzawm dawn.

Nimina MZP huaihawt hnatlang hi chawhma dar 10-ah ṭan a ni a, mi eng emaw zat an tel. Nimin bikah chuan chawhnu dar 2-ah an ṭîn a; an thil phût a hlawhtlin hma loh chuan hnatlang neih chhunzawm zel an rel a, vawiinah pawh punkhawm leh an tum.

MZP hian ṭhalai hna zawng mekte'n MPSC-ah rinna an nghah theih nan phût chi hrang hrang an nei a; MPSC thil tih dan dik lo leh duhkhawp lohnate social media-ah ringawt sawisel lo a, a taka che chhuak turin ṭhalaite an sáwm a ni.