Minister-in transfer hlau lo turin a fuih

Rural Development & Administration minister Prof. Lalnilawma hoin nimin khan Directorate of Local Administration conference hall-ah Half Yearly Review Meeting neih a ni. Minister chuan, transfer hlau lo leh hreh lo turin thawktute a fuih.

Prof. Lalnilawma chuan, Local Administration-a thawkte chu an pawimawhna hre thar tura chahin, "Grassroot level-a hmasawnna thlen theitu in ni a, hmalaknaah intodelhna ngai pawimawh tel zel theih ni se. Sorkar hnathawk ṭha kan nih theih nan leh nasa zawka sorkar tana kan thawh theih nan transfer hlau lo leh hreh lo ni ṭheuh ang u," a ti a; 15th Finance Commission-a theihtawp an chhuahna rah hmuh tur a awm zel chu lawmawm a tih thu a sawi.

Local Administration director Dr Lalngura Tlau pawhin thu sawiin, thawktute chu an hlawh phû anga theihtawp chhuaha thawk turin a chah.

Review meeting-ah hian district hrang hranga DLAO-te leh internet kaltlangin Autonomous District Council pathuma Local Administration-a thawktute an tel. District tinte hmalakna tarlan a ni a, 15th Finance Commission sum an hman dan te, an harsatna leh an mamawhte sawiho a ni.