Tetea Hmar leh Tribal Minister inkâwm

Minister of state Lalnghinglova Hmar chuan August 5, Nilaini khan Union Tribal Affairs minister Jual Oram chu New Delhi-a a inah a hmu a, Tribal Affairs Ministry kaltlanga Mizorama hmalakna awm theite a sawipui.

Lalnghinglova Hmar chuan, Mizoram chu tribal hlang deuhthaw awmna, mi cheng 90% aia tam Scheduled Tribe awmna a nih thu a sawi a, "Ministry tan ngaihsak leh duat ngai a ni. State tê leh sum pawh ngah lo kan ni a, chuti chung chuan mi dang ruala pên kan duh a, hmasawn kan tum. Theihtawp kan chhuah piah lamah Ministry puihna kan mamawh a ni," a ti. Zirna leh infiamna lama tribal ṭhalaite mamawhte ziakin a thlen nghal.

Union minister Jual Oram chuan, Mizoram sorkar hmalakna ṭha tak takte a hriat ṭhin thu a sawi a; Mizoram mamawhte chu tihhlawhtlin dan kawng a zawn tur thu a lo hrilh.

Lalnghinglova Hmar hi a personal secretary H Lal-ramenga'n a ṭawiawm a ni.