HBC-in Freshers' Social hmang

Hrangbana College chuan nimin khan an Golden Hall-ah Freshers' Social and Felicitation an hmang a; minister PC Vanlalruata'n hmanpuiin, college annual magazine 'Herhse' leh 'James Dokhuma Thu leh Hla Zir Zauna' tih lehkhabu a tlangzarh.

PC Vanlalruata chuan, kum 32 liam taah HBC zirlai a nih ve ṭhin thu a sawi a; zirlaite chu nakin lawka ram leh khawtlang hruaitu turte an nih avangin ramin hma a sawn zel theih nan theihtawp chhuah turin a fuih a, zirlai lut tharte leh lut tawh zawng zawngte duhsakna a hlan.

Minister hian HBC zirlai ti ṭhate hnenah R Zatlaia Award, Maiti Award, Zokaitluangi Psychology Award leh lawmman dangte a sem a ni.