DEO-in SIR hearing a tlawh kual

Lunglei district election officer (DEO) Navneet Mann, bawrhsap chuan Electoral Roll Special Intensive Revision (SIR) 2026 kal mekah nimin khan Lungleia hearing neihna hmunte a tlawh a; SIR hlawhtling taka zawh a nih theih nan ṭha taka thawkho zel turin thawktute leh mipui a sawm.

Bawrhsap hian Bazar Veng community hall-a Bazar-II leh Bazar-IV polling station hearing leh Farm Veng LC House-a Farm Veng-I PS hearing kal mek a tlawh a; ERO, AERO, booth level officer, tlawmngai pawl leh political party aiawhte nen hearing kal meka thil pawimawhte an sawiho.

Lunglei district-ah hian Assembly constituency paruk - Lunglei North, Lunglei East, Lunglei West, Lunglei South, Thorang leh West Tuipui te awmin, polling station 181 a awm. Lunglei district-a SIR draft electoral roll-a hming chuang mi 98,808 zinga mi 21,549 chu ERO leh AERO--te hmaah an nihna finfiah turin hearing-ah kal tura koh an ni.