Zirna-in 13 hnenah bungrua hlan

Higher and Technical Education (HTE) minister Dr Vanlalthlana chuan nimin khan Aijal Club-ah Mizoram sorkar hnuaia zirna sang (higher education institute)-te puala buatsaih workshop a hmanpui a; RUSA 2.0 Preparatory Grants kaltlangin zirna-in 13 hnenah bungrua a hlan.

Dr Vanlalthlana chuan, Mizoram sorkar hnuaia zirna-inte chu hmun danga mite nen khaikhinin, kum lamah la nau tak ni hlawm mah se, theihna an neih ṭhatzia a lan thu sawiin, "Zirna-in pakhatin danglamna nasa takin a thlen thei a, hmun danga tih dan ṭha zawk awmte chu entawn zel a pawimawh," a ti a; sum awm ang angte a nihna tur ang taka hman a nih chuan hmasawnna nasa tak thlenna khawp a nih thu a sawi.

HTE Minister hian col-lege/institution 13 hnenah smartboard, computer, printer leh bungraw dang-te a hlan a; bungruate hi RUSA 2.0 Preparatory Grants aṭanga lei a ni.

Zirhonaah hian chawhma lamah college leh institution-a principal-te nen inkawmhona hun hman a ni a; chawhnuah PM-USHA, sum kaih-hnawih chungchang leh SNA SPARSH model, PM-USHA Portal, GeM leh PM-USHA hnuaia project hrang hrang zirho a ni.