CM-in private firm hotute a kâwm

Chief minister Lalduhoma chuan nimin khan Delhi Mizoram House-ah Google for Education, BRICS Entre-preneur Alliance leh India Today Group hotute a kâwm. CM hi Rajya Sabha MP K Laltluangkima, ZOHANDCO chairman JK Dawngzuala leh advisor to Govt of Mizoram Renu Sharma ten an ṭawiawm.

Google for Education hotute nena inkawmnaah, Google Gemini AI leh Mizorama School Education department thawh dun theih dan turte sawiho a ni. Google hotute chuan, zirtirtute tan a thlawna artificial intelligence training buatsaih an inhuam thu an sawi.

BRICS Entrepreneur Alliance India hotute nen an inkawmnaah, AI, carbon credit, technology, tourism, ram venhimna leh ṭhalaite hmasawnna kawnga hmalak dun theihnate sawiho a ni.

India Today Group hotute nena inkawmnaah, Mizoram hmasawnna turte bakah, Mizoram hnam thil, nunphung leh khualzin hîp thei thilte India ram pum huapa media kaltlanga pho lan theih dan turte an sawiho a ni bawk.