UPSC Grooming Scheme Entrance Examination

Mizoram Board of School Education chuan nimin khan MBSE conference hall-ah UPSC Grooming Scheme Entrance Examination an buatsaih. HSLC 2026-a mark 500-ah mark 414 hmu pha zirlai 121 an inlan a; UPSC exam hrang hranga Mizo tam zawk an tlin theihna tura Mizoram sorkar hmalakna a ni.

UPSC Grooming Scheme Entrance Examination aṭang hian personal interview turin mi 50 koh an ni ang a, interview zawha a ti ṭha zual 10 thlan chhuah an ni ang. Zirlai 10-te chu Mizoram sorkarin a thawhpui coaching centre hnuaiah higher secondary school an kal chhung zawngin coaching class an kal thei dawn a ni.

Kum 2025 khan UPSC Grooming Scheme Entrance Examination vawi khatna neih a ni a, zirlai 10-in coaching an kal mek a ni.