Fimkhur turin mipui chah

Mizoram State Com-mission for Protection of Child Rights (MSCPCR) chuan thuchhuah siamin, tun hnaia H Ramdinpuii (15), Mualṭhuam North a tualthi chu pawi an tih thu an tarlang a; naupang chunga hleilenna thleng chungchang puanzar leh thehdarh kawngah fimkhur turin mi tin an chah nghal.

MSCPCR chuan, H Ramdinpuii tualthihnaa pawikhawihtu chu a rang thei ang bera man chhuah a, dan anga a chungthu rêl a nih theih nan theihtawpa an vil zui dawn thu an tarlang a; "Naupang chunga hleilenna thleng chungchang puanzar leh thehdarh kawngah hian danin naupang (kum 18 hnuai lam)-te a humhalh nasat avangin mipuite fimkhur lehzual turin kan ngen a ni," an ti.