Kawngzawha tel turin sáwm

Council of Churches in Mizoram (CCM) chuan FCRA Amendment Bill duh lohna lantir nan naktuk August 11, Thawhlehni hian Aizawlah kawngzawh an huaihawt dawn a, tel ṭheuh turin mi tin an sáwm.

Chawhma dar 10:30-ah Sikulpuikawn leh Zarkawt traffic point aṭangin kawng zawh ṭan tur a ni. CCM chuan, kawngzawha tel turte chu mahni mamawh intum turin an ngen a, lirthei tlan vel a buai phah deuh dawn avangin mipui hriatthiamna an ngen bawk.