Jharkhand state CID-te'n Mizo IAS officer an man

Jharkhand CID chuan nimin khan Jharkhand Public Service Commission (JPSC) chairman aṭanga tun hnaia báng ta Lalbiaktluanga Khiangte (L Khiangte) an man.

Thu dawn danin, JPSC-in tun hnaia exam hrang hrang a buatsaihah thil dik lo tam tak a awma sawi a ni a, hei vang hian ṭhalaite leh zirlaite chuan JPSC chhui an phût. Hengte avang hian JPSC chairman L Khiangte chuan July 22, 2026 khan bànna a thehlut a; JPSC chu dik taka chhui a nih theih nana banna thehlut a nih thu a sawi.

Lalbiaktluanga Khiangte hi 1988 batch IAS officer a ni a, Jharkhand sorkarah hun rei tak thawkin, chief secretary a ni ṭhin. Kum 2025 tir lam khan superannuation pension-in a chhuak a, February 2025 khan JPSC chairman atan ruat nghal a ni.

JPSC-a thil dik lo hrang hrang awm nia sawi chungchangah hian L Khiangte hi Jharkhand CID chuan kumin July 28, July 29, July 31 leh August 3 te khan hun rei tak chhung thu an lo zawtfiah tawh a ni.