Assam-Mizoram ramri chingfel turin MZP-in chak leh zuala hmalak an rêl

Mizo Zirlai Pawl (MZP) General Headquarters chuan nimin khan Dawrpui Multi­purpose Hall-ah inkhawm­pui vawi 64-na an hmang a, chak leh zuala ramri chinfel a nih theih nan hmalak an rêl. Kum 2019-2021 hruaitu tur an thlang a, president atan vice president ni lai B Vanlaltána thlan a ni.

MZP inkhawmpuiah hian MZP president L Ramdinliana Renthlei kaihhruaina hnuaiah ro an rél a; ILP khauh zawka kalpui a nih theihna tura hmalak te, all India service hrang hrangah Mizo ṭhalai tam zawk an luh theih nana hmalak te, kum 2020 chhungin ZOFEST buatsaihte leh, Mizoram leh Assam ramri chinfel a nih theihna atana an hmalak meknaah chak lehzuala bawhzuite an rêl a ni.

Kum 2019-2021 chhunga MZP office bearer tur an thlannaah hian president bakah, vice president atan Peter Chhangte, general secretary atan Lalnunmawia Pautu, assistant secretary atan Jacob Lalmuanpuia, treasurer atan Andrew F Lalram­nghaka leh finance secretary atan Chinkhanmanga te thlan an ni.

MZP hruaitu atana thlan thar zingah hian B Vanlaltana, Lalnun­mawia Pautu leh Andrew F Lalram­nghakate hi office bearer ni lai an ni.

President    B Vanlaltana 

Vice President    Peter Chhangte

General Secretary    Lalnunmawia Pautu

Assistant Secretary    Jacob Lalmuanpuia

Treasurer    Andrew F Lalramnghaka

Finance Secretary    Chinkhanmanga