SHC-ah MNF leh HPC an chak

Sinlung Hills Council (SHC) inthlan hmasa ber, November 5, 2019-a neiha vote tlate chu inthlan zawh veleh, November 5 zan khan chhiar nghal a ni a; MNF leh Hmar Peoples' Convention (HPC) ṭangkawpin bial 12 awmah bial 10 lain, sorkarna an siam dawn.

SHC inthlanah hian vote nei mi 20,914 zinga 15,108 (72.24%)-in vote an thlak a ni. MNF-in candidate pasarih neiin pangain hnehna an chang a, an thawhpui HPC chuan candidate panga neiin an tling vek a ni.

Congress party chuan bial parukah candidate an dah a, bial ṭhenkhatah independent candidate an thláwp. BJP leh NPP chuan candidate pahnih ve ve an nei a, ZPM chuan candidate nei loin, independent candidate 

ṭhenkhat an thláwp thung.

SHC-ah hian bial 12 aṭanga thlan tlin mi 12-te bakah, sorkar aiawh member pahnih ruat leh tur a ni a, an vaiin member 14 an ni ang.